منتدي قلب الاسد
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

طرق تظبيط الفيات 128 والتعديل فيها حصريااااا

2 مشترك

اذهب الى الأسفل

طرق تظبيط الفيات 128 والتعديل فيها حصريااااا Empty طرق تظبيط الفيات 128 والتعديل فيها حصريااااا

مُساهمة من طرف Admin الخميس مارس 06 2008, 20:09

طرق تظبيط الفيات 128 والتعديل فيها حصريااااا
بص بقى الموضوع ده بخصوص ال 128 الى قرفت الشعب 37 سنه وهتكلم فيه عن طرق تظبيط العربيه دى وده طبعا لعشاقها والمهتمين بيها وانا هقولكم العشق والاهتمام ده جى من فين..........طبعا كل واحد معاه العربيه نفسه يخليها بى ام دبليو وده طبعا لانه اتخنق من ان العربيه ملهاش برستيج ولا ليها حاجه خالص يعنى من الاخر 128 معفنه ولا بتمشى عدل ولا اى حاجه خالص.......وطبعا الواحد لما يركبها ويسوقها ويحس انها مصيره لفتره طويله من الزمن لازم طبعا يفكر انه يعدلها ويستمتع بيها ويحس انها احسن من عربيات تانيه كتير....طبعا فى حلول كتير بتبدى من اول تسجيل اسطوانات وسمعات بيونير الى ب 300 جنيه لحد مصاريف توصل ل 20000 جنيه وكله تظبيط علشان الواحد يحس بالرفاهيه والمتعه فى القياده والتميز......
يعنى فى ناس نفسها ال 128 يبقى فيها تكييف ودى امنيه حياته طبعا الكلام ده فى الصيف بس.....وفى ناس نفسها يبقى عندها عده صوت نضيفه قوى يعنى شغل الراب وكده عايز دبه وصوت عالى ودى برده روشنه وبتتحس انك راكب فيرارىطرق تظبيط الفيات 128 والتعديل فيها حصريااااا Msn-wink......وفى ناس نفسها العربيه متعطلش خالص والمهم توديهم المشاوير وخلاص ومعندهمش اصلا تسجيل صينى فى العربيه ولا حتى سمعات من الى ب 10 جنيه.......وفى ناس نفسها تركب جنط وهتموت وبتحوش علشان الجنط يتركب وفى الاخر بيجيبوا جنط معفن وشكله وحش ومبيعرفوش ينقوا وانا اجيب جنط ليه والعربيه اصلا جربانه ومعفنه دى ناس تانيه بتقول كده!!!!!!..........وفى ناس كل يوم بتغسل العربيه صبح وليل وهم اصلا مش عرفين انها 128 ومحدش هيبص عليها حتى لو طالعه زيرو من المصنع!!!!......وفى ناس بتروح تفيم وتركب كام استيكر من ابو ربع جنيه ويجيب ديل (يعنى مفلر للشكمان) من ابو 20 جنيه ويقولك انا ظبط العربيه وعلى فكره الحجات دى احسن حل لل 128 تملاها دبدييب من ابو 2.50 وقضيها......عربيه غريبه والله تصلح حاجه تتطلع حاجه ولو مصلحتش متطلعلكش حاجه المهم تسيبها بعيب لانك لو حليت كل العيوب العربيه فيها كمبيوتر بيدور على عيب جديد ويطلعه:sly00000:.......ويقلك قطع غيار رخيصه هى رخيصه بس بايظه ومش معمره وبتقرف فى المواقف الى بتعملها زميلى اخدو فكره وحشه عنها خالص من المواقف الى عملتها معانا كتيير بس بتتحل فى الاخر وبسهوله بس بتكون عطلت الواحد وقرفته......
المهم ان العربيه دى ليها تاريخ كبير فى مصر ولازم نكرمها على الى عملته فينا سواء نعمه او نقمه وعلشان كده انا هتكلم عن الطرق الفنيه لتظبيط ال 128 خصوصا الى بيفكروا فى تسقيط موتور عليها وايه الى لازم يعملوها علشان يسقطو موتور وحتى للى مش عايز يسقط برضه هيلاقى طرق تظبيط للعربيه من ناحيه الشكل او الاداء والراحه....
نبداء الموضوع:::
هنبتدى من جوه وبعد كده نخرج لبره يعنى هتكلم عن الشاسيه وطرق تدعيمه لانه اكبر مشكله فى ال128 بجد اكبر بلوه فيهاااااا:
طرق تظبيط الفيات 128 والتعديل فيها حصريااااا Fiat_2D128_2Dscheme_thumb
الشاسيه:
طرق تظبيط الفيات 128 والتعديل فيها حصريااااا Imagen0064tvmn8

1-صب رصاص او الامونيوم على الشاسيه وبالاخص علب الشاسيه وده بيساعد فى تقويه الشاسيه وبيزود تحمله للموتور (الموتور راكب على الشاسيه بواسطه قاعده موتور موصوله بالجانب الايسر من السيارة ومع حركة العربيه وطلعت الموتور بتتاثر هذه القاعده وبالتالى بتأثر على علب الشاسيه لان القاعده ملحومه فى الشاسيه

فى قاعده اخرى للموتور وهى الى بتكون على شكل حامل على شكل شنكل بتمسك الموتور من فوق القاعده دى مهمه برده فى تسبيت الموتور...
طرق تظبيط الفيات 128 والتعديل فيها حصريااااا Imagen0064tvwc1
طرق تظبيط الفيات 128 والتعديل فيها حصريااااا 11121176ll6yp1
طرق تظبيط الفيات 128 والتعديل فيها حصريااااا Hpim16096jkks4
طرق تظبيط الفيات 128 والتعديل فيها حصريااااا Ee2cd5aemm7


3-العفشه العفشه العفشه العفشه يعنى لو المساعدين ضايعين او تعبانين شويه هيكسروا علب الشاسيه والرفارف وقول يارحمان يارحيم على العربيه لانك هتقضيها لحامات فعلشان كده لازم مساعدين يكونوا جامدين بالذات من قدام وخصوصا ال 128 بجد تستاهل مساعدين رياضى او مساعدين هيدروليك اى حاجه نضيفه وتريح العربيه خصوصا قدام...
احظ ان الوزن بتاع العربيه هيزداد من قدام علشان الموتور الجديد والى هيبقى اتقل من الى فات هو والفتيس طبعا....
ودى صورة لمساعدين كونى ومعاهم السوست بتاعتهم ودول مساعدين لل فيات 128 من شركه كونى:
طرق تظبيط الفيات 128 والتعديل فيها حصريااااا Untitledhm7
طبعا راحه فى المطبات على السرعات العاليه بدون اى تاثير على بودى العربيه خصوصا علب الشاسيه وكمان ثبات جامد على الطريق وخاصه فى الملفات على سرعات عاليه يعنى مشى العربيه هيتغير وطبعا الاداء على الطريق هيتغير بشكل ملحوظ....
طبعا الكلام ده للمساعدين الى وراء والى قدام وطبعا السوست ليها دور مهم يعنى لازم يكونو من شركه نضيفه ويكونو معمولين للاداء العالى يعنى سوست رياضيه وياريت السوست تبقى نفس طقم المساعدين قصدى من نفس الشركه......

4-البار والبار ده عباره عن ماسوره معدنيه تركب على جناب المساعدين فى الحوض يعنى :يعنى ماسورة بتتركب فى الحوض وبيكون مكانها عند القبه بتاعت المساعد من الداخل يعنى فى الحوض وفايدتها بتمسك العربيه من فوق علشان الشاسيه ميفتحش وبتساعد فى الملفات لانها بتخلى الشاسيه ميتحركش فى الملفات على فكره البار ده بيتركب وراء وقدام وراء فى الشنطه وقدام فى الحوض ومهم فى ثبات العربيه على الارص وفى الملفات وفى صنيعيه بتقول مش مهم لا ده مهم جدا وله تاثير.....
طرق تظبيط الفيات 128 والتعديل فيها حصريااااا Picture0021jd1tc1

طرق تظبيط الفيات 128 والتعديل فيها حصريااااا Domstrebe01to2
البارات دى مهمه لثبات العربيه على الارض وبتساعد الشاسيه يعنى تتعتبر من مقويات الشاسيه وفى ناس بتركب بارات اسفل العربيه فى المنتصف وبيطلق عليها شداد.......


طبعا لما نتكلم عن المواتير الى بتتسقط لل 128 هنلاقى مواتير كتير طبعا لازم يكون الموتور فيات او لانشيا علشان الترخيص بيحتم ان يكون الموتور من نفس نوع العربيه علشان كده هيكون عندنا كذا اختيار لتسقيط الموتور :

فيات رتمو :1100 سى سى 55 حصان
1300 سى سى 65 حصان
1500 سى سى 75 حصان

فيات ريجاتا:
1300 سى سى 68 حصان
1500 80-85 حصان حسب الكربراتير بابين ولا باب واحد
1600 انجيكشن 100 حصان

فيات لانشيا:
1300 70 حصان يوجد به تكييف
1600 انجيكشن 90 حصان
2000 انجيكشن 130 حصان بس يحتاج الى تعديل كبير فى الشاسيه

فيات اونو:
1300 68 حصان
1300 تربو 105 حصات الموتور ده جامد جامد جامد
1400 تريو 118 حصان اجمد واجمد

دول اشهر الموتير للتسقيط فى ال 128 طبعا لازم يتركب مع كل موتور الفتيس بتاعه لان الفتيس بياثر فى السرعه والسحب وفى اداء الموتور بالنسبه لمواتير ال 128 هم :
1100 55 حصان
1290 62 حصان
1300 65 حصان


طبعا مواتير الريجاتا 1500 هى الاختيار الانسب او يعنى اقل اختيار للتسقيط الاحسن طبعا المواتير الانجيكشن طبعا موتور الريجاتا هيخلى العربيه توصل لسرعه 170 عادى جدا وهو موتور شديد وهيبقى اشد من وهو فى الريجاتا لان ال 128 اصغر حجما واخف وزنا طبعا والموتور ده بيجيب من 0 الى 100 فى 13 ثانيه طبعا رقم قياسى بالنسبه لل 128 1100 سى سى لانها بتجيب من صفر الى 100 فى 18 ثانيه وال 1300 من صفر الى 100 فى 15 ثانيه بس هنلاحظ ان ال 1100 وال 1300 السرعه القصوى ليهم واحد وهى 140 كيلو متر فى الساعه طبعا صوت موتور الريجاتا اهدى من مواتير ال 128 ده بالنسبه للصوت غير ان الريجاتا 1500 ممكن يركبلو تكييف.....

__________________
Admin
Admin
المدير العام
المدير العام

ذكر
عدد الرسائل : 1884
العمر : 51
الموقع : https://hesham.forumalgerie.net
العمل/الترفيه : مهندس كمبيوتر
المزاج : ممتاز
الدولة : طرق تظبيط الفيات 128 والتعديل فيها حصريااااا Female31
المزاج : طرق تظبيط الفيات 128 والتعديل فيها حصريااااا 210
الوظيفة : طرق تظبيط الفيات 128 والتعديل فيها حصريااااا Engine10
الاوسمة : طرق تظبيط الفيات 128 والتعديل فيها حصريااااا 110
نقاط : 459
تاريخ التسجيل : 13/02/2008

بطاقة الشخصية
شطا نت:

https://hesham.forumalgerie.net

الرجوع الى أعلى الصفحة اذهب الى الأسفل

طرق تظبيط الفيات 128 والتعديل فيها حصريااااا Empty رد: طرق تظبيط الفيات 128 والتعديل فيها حصريااااا

مُساهمة من طرف البرىء الجمعة مايو 02 2008, 12:50

البرىء
البرىء
المدير العام
المدير العام

ذكر
عدد الرسائل : 1368
الدولة : طرق تظبيط الفيات 128 والتعديل فيها حصريااااا Female31
المزاج : طرق تظبيط الفيات 128 والتعديل فيها حصريااااا 811
الوظيفة : طرق تظبيط الفيات 128 والتعديل فيها حصريااااا Office10
الاوسمة : طرق تظبيط الفيات 128 والتعديل فيها حصريااااا 110
نقاط : 0
تاريخ التسجيل : 24/04/2008

http://www.alsahfyalgree.ahlamontada.com

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى